بانگەوازی رێکخراوەی قەڵای دم دم

Bangewazek ji aliyê Saziya “Qelay Dimdim” ve ji bo alîkariyên mirovî
Saziya “Qelay Dimdim” bo hevkariyên mirovî dixwaze navendekê veke, bona ku bikare zêdetir û bi awayekî serûber alîkariyê bigehîne wan penaber û lêqewmiyên Rojhilatê Kurdistan ku berê xwe dane Başûrê Kurdistanê.
Lewra em daxwazê li hemû Kurdên dilsoj ên herçar perçeyên Kurdistanê dikin ku pêşwaziyê ji wê bangewaza me bikin û ji me re bibin alîkar, bona ku em bikarin xizmeta wan mirovan bikin ku hewcehiya wan bi alîkariyê heye.
Saziya “Qelay Dimdim” eva serê heft salan e ku kar û çalakiyên xwe li Başûrê Kurdistanê dimeşîne, û di wê heyamê de kariye alîkariya gelek kesan bike ku penaber û lêqewmiyên Rojhilatê Kurdistan ne, wate alîkariyên wek: “hevkarî bo çareseriyên bijîşkî bo nexweşên penceşêrê û nexweşên din, dabînkirina dest û pêyên destçêkirî bo kêmendamên rêzdar bêy wergirtina pere, gihandina hevkariyê bo wan kolberên ku birîndar dibin û rû li Başûrê Kurdistanê dikin bo çareseriya birînên xwe, û komkirina yarmetiya malî û parvekirina wê yarmetiyê bi ser kesên hejar û desteng de, gehandina xurakê bo kempan û kesên desteng û hevkarî bo çareserkirina kêşeyên penaberan li cihê hikûmî û nahikûmî.”